Neste curso centraremos o noso proxecto de educación en valores, no alumnado de 1º ESO neste segundo trimestre. Con eles pretendemos relacionar os Dereitos Humanos cos valores educativos que ten o xogo cooperativo e os deportes de cooperación.
Empezamos preguntándolle ao alumnado que son os valores, cales coñecían, explicando o significado dos valores que ían dicindo e facendo unha sesión de traballo ao redor dalgúns destes valores (respecto, tolerancia, compañeirismo, igualdade, xogo limpo, ....) cos que xogamos en equipos ao 3 en raia para logo "escribilos" co corpo. Aquí vos deixo algunha imaxe desa 1ª sesión.
